2010թ պարենային ապրանքների շուկայում գերիշխող դիրք ունեցողների մեջ գրեթե 60 տոկոսը պատկանում է Սամվել Ալեքսանյանին: Ի դեպ, նա հանդես է գալիս ոչ թե մեկ, այլ տարբեր ընկերությունների անուններից՝ գերիշխողի պիտակից եւ հարկային վճարումներից ազատվելու համար: Հայաստանում ցորենի շուկայում ընդամենը երկու ընկերություն գերիշխող դիրք ունեն: Դրանք են՝ «Մանանա Գրեյնը» եւ «Ալեքս Գրիգը»: Սամվել Ալեքսանյանին են պատկանում թե՛ առաջին, թե՛ երկրորդ ընկերությունը: Սակայն հանդես է գալիս տարբեր ընկերությունների անուններով՝ հարկային պարտավորություններից խուսափելու համար: «Մանանա Գրեյն» ընկերությունը այսօր շուկայում գերիշխող դիրք ունի եւ իրացման ծավալներով գրավում է շուկայի 1/3-ից ավելին` 33,36 տոկոսը: «Ալեքս Գիգը» նույնպես գերիշխող դիրք է զբաղեցնում՝ ցորենի շուկայում գրավելով 1/3-ից ավելին` 34,4 տոկոսը: Նա տարբեր ընկերությունների անվանումներով գերիշխող է համարվում նաեւ մանկական հյութերի շուկայում: Այդ շուկայում «Ալեքս Գրուպ» ՍՊԸ-ն գրավում է շուկայի մոտ 2/3-ը՝ 60,6 տոկոսը: Մանկական խյուսերի շուկայում եւս գերիշխող է եւ գրավում է շուկայի 68,35 տոկոսը: Էթիլային սպիրտի շուկայում գրավում է շուկայի 1/3-ը 99,88 տոկոսով: Շաքարավազի շուկայում նա կրկին միակ գերիշխողն է՝ զբաղեցնելով շուկայի 99,9 տոկոսով: Կարագի շուկայում զբաղեցնում է 35, 04 տոկոսը, բրնձինը` 33,6 տոկոսը: Բուսական յուղի շուկայում նա եւս միակն է: Արեւածաղկի եւ եգիպտացորենի բուսական յուղի` ձեթի շուկայում գրավում է 1/3-ը` 66,0 տոկոսով: Ձիթապտղի բուսական յուղի շուկայում նա հանդես է գալիս «Վիգեքոմ» ՍՊԸ-ի անվան տակ՝ զբաղեցնելով 66, 0 տոկոսը: Պահածոյացված ձիթապտղի շուկայում 56,3 տոկոսը: «Մայրական կաթին» փոխարինող կերերի շուկայում զբաղեցնում է շուկայի 34,49 տոկոսը: Նրան պատկանող «Սալեքս» ՍՊԸ-ն մանկական շիլաների շուկայում 33,61 տոկոսը: Եվ վերջապես պարենային շուկայում նրան է պատկանում նաեւ «Ֆելիք Սարգ» ՍՊԸ-ն, որը զբաղվում է խտացրած կաթերի ներմուծմամբ՝ գրավելով շուկայի 40,1 տոոկսը:
