Ամուսնական կապերով կապվելու մեկ այլ պատճառ էլ է հայտնաբերվել: Նոր ուսումնասիրությունը ցույց է տվել, որ հասուն տարիքում միայնությունն ավելացնում է մահացության սպառնալիքը: Դա վերաբերում է և՛ տղամարդկանց, և՛ կանաց, հատկապես նրանց, ովքեր 40-ամյակը միայնության մեջ են դիմավորել:
Ուսումնասիրություններն անցկացրել են Դյուկի համալսարանի փորձագետները: Հեղինակները նշում են, որ ընտանեկան վիճակը կարող է իր ազդեցությունն ունենալ ապրած տարիների քանակի վրա: Ուսումնասիրություններին մասնակցել է 1940թ-ին ծնված ավելի քան 4800 տղամարդ և կին:
Ուսումնասիրությունները հաշվի են առել նաև անձի բնավորության գծերը, որոնք են՝ լավատեսությունը, հոռետեսությունը, ընկճախտը, շփվելու ընդունակությունները և թշնամանքը: Ուսումնասիրության մեջ հաշվի առնված այլ գործոններ են նաև կրթվածությունը, ծխելը, ալկոհոլի օգտագործումը, սպորտով զբաղելը: Արդյունքները հետևյալն են ցույց տվել. միջին տարիքում չամուսնացած մարդիկ երկու անգամ ավելի շատ են հակված մահվան:
Փորձագետները նշում են նաև, որ «խրոնիկական միայնությունը» կարող է մահվան հանգեցնել: Ամուսնացած մարդկանց սոցիալական աջակցությունն ավելի մեծ է, նրանք կարող են հույս դնել իրենց զուգընկերների վրա:
