Մոսկվայի Խովանսկոյե գերեզմանատանը կատարվում է քրեական հեղինակություն Ասլան Ուսոյանի հուղարկավորման արարողությունը: Այս մասին հայտնում է Interfax-ը:
Երևանի ժամանակով ժամը 10.30-ից դեպի գերեզմանատուն սկսվել է թանկարժեք արտասահմանյան մեքենաների հոսքը: Գերեզմանատան անվտանգության աշխատակիցները, ըստ ամենայնի, նախնական պայմանավորվածությամբ այնտեղ են թողնում միայն առանձին մեքենաների:
Լրագրողներին գերեզմանատան տարածք չեն թողնում, մնացած մարդկանցից հարցնում են տարածքի համարն ու հանգուցյալի անուն-ազգանունը, ում մոտ նրանք եկել են այցելության:
ԶԼՄ-ների որոշ ներկայացուցիչներ փորձում են հնարավորինս մոտենալ մեքենաներով, որոնց վրա հեռուստաալիքների տարբերանշանները բացակայում են: Ընդ որում՝ հետևի նստարաններին նստած օպերատորները փորձում են նկարահանումներ անել փակ և մգեցված պատուհաններից:
Ավելի վաղ հայտնի էր դարձել, որ ԶԼՄ-ների ներկայացուցիչների մուտքն արգելվել է՝ առաջին հերթին հենց լրագրողների անվտանգության նկատառումներով:
