Հոգևորականները խնդրել են պատրիարք Կիրիլին «դադարեցնել իշխանություններին կուրորեն հնազանդվելու խայտառակ պրակտիկան»:
Նման կոչով Կիրիլին են դիմել Իժևսկի առաջնորդարանի հոգևորականները` հայտարարելով, որ իրենք դադարում են նրա անվան հիշատակումն իրենց պատարագների ժամանակ: Ռուս ուղղափառ եկեղեցու առաջնորդին Իժևսկի հոգևորականների կողմից ուղղված նամակում նրանք խնդրում են «դադարեցնել իշխանություններին կուրորեն հնազանդվելու խայտառակ պրակտիկան և ամեն տեսակի հաստաքսակներին հաճոյախոսելը», ինչպես նաև «հոգ տանել այն մասին, որպեսզի Ձեր ազգը Ձեզ տեսնի ոչ միայն բարձրագույն իշխանությանն օրհնող, այլ նաև նրան մերկացնող»:
Այս մասին փոխանցում է ռուսական gzt.ru կայքը:
Ռուս ուղղափառ եկեղեցու Իժևսկի և Ուդմուրտիայի թեմերը դադարել են ենթարկվել Համայն Ռուսիո և Մոսկվայի պատրիարք Կիրիլին` դիմելով նրան բաց նամակով, որը տարածվել է համացանցում 2011թ.-ի մարտի 31-ին: