Արքայական լիմուզիններ արտադրող բրիտանական Rolls-Royce-ը հայտարարել է Ժնևի ավտոսրահում բացարձակ նոր մոդելի ներկայացման մասին, որը տեղի կունենա ընթացիկ տարվա մարտին: Նորույթը կկոչվի Wraith: Նորույթի մասին առաջին մանրամասներն ընկերությունը խոստանում է հրապարակել փետրվարի 12-ին, հայտնում է auto.vesti.ru-ն:
Ներկայումս Rolls-Royce մոդելային շարքը կազմված է երկու հիմնական մոդելից, որոնք ներկայացված են Ghost և Phantom թափքերով: Վերջին մի քանի տարիներին ընկերությունը միայն նորույթներ էր ավելացնում նշված մեքենաներին:
Նորույթի համաշխարհային պրեմիերան տեղի կունենա Ժնևի ավտոսրահում, որը մամուլի համար կբացվի ընթացիկ տարվա մարտի 5-ին: Ավտոմեքենան վաճառքի կհանվի ներկայացնելուց քիչ ժամանակ անց, իսկ առաջին ավտոմեքենաները հաճախորդներին կհասնեն 2013-ի վերջին:
«Rolls-Royce Wraith-ը կունենա համարձակ դիզայն, անհավանական դինամիկա և կլինի եբևէ արտադրված ամենահզոր Rolls-Royce-ը: Մենք կներկայացնենեք մի մոդել, որի հիմնական առանձնահատկությունները կլինեն լյուքս դասը, նրբաճաշակությունն ու բացառիկությունը: Այս մեքենան կառանձնանա ոչ միայն էլեգանտությամբ, այլև հզորությամբ, ոճով ու արդյունավետությամբ»,- ասել է ընկերության ղեկավար Թորսթեն Մյուլլեր-Օտվոսը:
Հիշեցնենք, որ Rolls-Royce-ն առաջինն է 200 000 դոլարից թանկարժեք ավտոմեքենաների վաճառքի ծավալով:
Ընկերությունը խոստանում է մինչև համաշխարհային պրեմիերան մեքենայի մասին մանրամասներ պատմել, նաև նշել է, որ նոր տեղեկություններ հայնտի կդառնան փետրվարի 12-ին, 19-ին և 26-ին:
