Մենք ունենք հաշմանդամություն ունեցող երեխաներ, որոնց մատչելի չէ մեր առօրյա կյանքում շարժվելը, ապրելը, շփվելը: Մենք պետք է նրանց նայենք ինչպես հավասարը հավասարին: Խորհուրդ եմ տալիս, որ բոլոր երեխաներին՝ անկախ նրանց սոցիալական վիճակից, ապրելակերպից, հավասար վերաբերվել: Մեր երկրում մանկատները շատ են. եթե անգամ երեխան միակողմանի ծնողազուրկ է կամ բարեկամներ ունի, նա պետք է իր տանը մնա, քան եթե երկու հագուստ ավել ունենա, բայց մանկատանը մեծանա: Մեր երեխաները պետք է պաշտպանված լինեն, նրանք մեր թե՛ ներկան են, թե՛ ապագան: Այս մասին այսօր լրագրողների հետ հանդիպմանը ասաց ՄԱԿ-ի բարի կամքի դեսպան, երգչուհի Ալլա Լևոնյանը:
Ի դեպ, Հայաստանը միանում է ՅՈՒՆԻՍԵՖ-ի համաշխարհային IMAGINE նախաձեռնությանը, որի նպատակն է բարձրացնել հանրության իրազեկվածությունը երեխայի իրավունքների վերաբերյալ: Երգի հայկական տարբերակը վերջին մեկ շաբաթում «Յութուբում» ավելի քան 30.000 դիտում է ունեցել:
Կոմպոզիտոր Արմեն Մարտիրոսյանը նշեց, որ մենք՝ մեծերս, հաճախ այնքան ենք վարկաբեկում մեզ մեր ապրած կյանքերով, որ երբ գալիս է ասելու մի պարզ ճշմարտություն, մեր ասածն այդպես չի ընկալվում, քան եթե դա անի երեխան: «Սա էր իմ սկզբունքը, երբ ստեղծեցի այս մշակումը, և ես կարծում եմ՝ հասա իմ նպատակին»,- հավելեց կոմպոզիտորը:
Ավելին՝ տեսանյութում:
