Ինչպես հաղորդում է The Daily Mail-ը, Լոնդոնի խանութներում կհայտնվեն հատուկ սարքեր, որոնք թույլ կտան հաճախորդներին խորհրդակցել Facebook և Twitter սոցիալական ցանցերի իրենց ընկերների հետ` նախքան այս կամ իրը գնելը:
Հոլանդական Nedap ընկերության կողմից մշակված այս սարքը կոչվում է Tweet Mirror, որն իրենից ներկայացնում հայելի և նրա վրա ամրացված HD տեսախցիկ, որը թույլ է տալիս գնորդին հագուստը փորձելիս նկարն անմիջապես տեղադրել սոոցիալական ցանցում` խորհուրդներ ստանալով ընկերներից: Ընկերների արձագանքները հաճախորդները կստանան հեռախոսներին կարճ հաղորդագրությունների տեսքով:
Tweet Mirror հորինած ինժեները պատմել է, որ այս միտքն իր մոտ առաջացել է այն բանից հետո, երբ տեսել է, թե ինչպես է իր ընկերուհին հագուստ գնելիս նկարում այն և ապա ցույց տալիս ընկերուհիներին` նրանց կարծիքն ու խորհուրդը ստանալու համար: Այս սարքը նաև օգտակար է նրանց համար, ովքեր հայտնի սոցիալական ցանցերի օգտատերեր չեն: Նրանք կարող են հենց տեղում դիտել իերնց նկարները տարբեր դիտանկյուններից, ապա նոր որոշում կայացնել:
Սարքն արդեն տեղադրված է Shepherd’s Bush մոլում, և հնարվոր է՝ առաջիկայում հայտնվի նաև այլ խանութներում: