Հնդկաստանի մայրաքաղաքում մոտոցիկլով 2 տղամարդ կնոջ վրա թթու են լցրել: Այս մասին հայտնում է Associated Press-ը:
Դեպքը տեղի է ունեցել առևտրային շարքերի մոտ, որտեղ միշտ մարդաշատ է: Դիմակավոր անհայտ անձինք մոտեցել են կնոջը, դեմքին թթու լցրել, հետո գողացել նրա դրամապանակը: Գործակալության հաղորդմամբ՝ տուժածը դեմքի խոր այրվածք է ստացել և կարող է զրկվել աջ աչքից:
Ոստիկանությունում պարզում են կատարվածի պատճառներն ու հանգամանքները:
Վերջին 10 տարում ԶԼՄ-ները հայտնել են Հնդկաստանում նման հարձակումների 153 դեպքի մասին: Փաստացի այդպիսի դեպքերը կարող են մի քանի անգամ շատ լինել, քանի որ շատերը վախենում են ոստիկանություն դիմել: Սովորաբար կանայք զոհ են դառնում այն պատճառով, որովհետև դիմադրում են սեքսուալ ոտնձգությանը կամ մերժում են ամուսնության առաջարկը:
