Նյու Յորքի դպրոցներից մեկի առաջին դասարանցու պայուսակում լիցքավորված ատրճանակ է հայտնաբերվել` գրում է New York Post թերթը:
Հայտնում են, որ զենքն առգրավել են հետաքննության համար, իսկ տղային ուղարկել են ոստիկանություն՝ հարցաքննության: Քվինսի դպրոցը, ուր հաճախել է տղան, ժամանակավորապես փակվել է:
Ոստիկանությունը ենթադրում է, որ տղան մեծ եղբայր ունի, որը մեգապոլիսի ավազակային խմբավորումներից մեկի անդամ է:
ԱՄՆ-ում զենքի վերահսկողության մասին հարցը խստացվել է վերջերս Կոնեկտիկուտ նահանգում տեղի ունեցած ողբերգությունից հետո, որտեղ 20-ամյա Ադամ Լանզան տարրական դպրոցում սպանել էր 20 երեխայի և 6 մեծահասակի՝ մինչ այդ տանը սպանելով իր մորը: Երկու օր առաջ ԱՄՆ նախագահ Բարաք Օբաման Կոնգրեսին կոչ է արել զենքի ձեռք բերման և պահման ավելի խիստ կարգ ենթադրող օրինագիծ ընդունել:
