Չինական Հենան նահանգում տեղի է ունեցել «հարսանեկան արարողություն» մինչև 5 տարեկան ավելի քան 100 երեխայի մասնակցությամբ, հաղորդում է Global Times-ը:
Ինչպես բացատրել են մանկական կրթական հաստատության աշխատակիցները՝ նրանք կազմակերպել են այդ արարողությունը՝ նպատակ ունենալով աշակերտների իմացությունը մեծացնել ընտանիքի պլանավորման հարցում:
Տոնակատարության ընթացքում երեխաները ստացել են իրենց ծնողների օրհնությունը, մատանիներ են փոխանակել և «պսակադրվել են»՝ ամրապնդելով իրենց միությունը այտի համբույրով:
Դաստիարակները նշել են, որ արարողությանը մասնակցելը կամավոր է եղել, և երեխաներից յուրաքանչյուրը կամավոր կարողացել է իր համար զույգ ընտրել: Շատ ծնողներ պաշտպանել են այդ նախաձեռնությունը՝ հայտարարելով, որ տոնակատարությունը կմնա երեխաների հիշողության մեջ, և ընտանիքը նրանց մեջ ասոցիացվելու է ինչ-որ հաճելի բանի հետ:
Բացի դրանից՝ նրանք, ովքեր աջակցել են դաստիարակների նախաձեռնությանը, նշել են, որ այս տարիքում երեխաները նման միջոցառումներին վերաբերվում են որպես խաղի:
Ընդ որում՝ որոշ մասնագետներ քննադատել են դաստիարակների նախաձեռնությունը: Նրանց կարծիքով՝ նման միջոցառումների անցկացումն անտեղի է, քանի որ երեխաների մեջ կարող է սխալ կարծիք ձևավորվել ամուսնության և սեռական հարաբերությունների մասին: Մասնագետները նշում են, որ նման տեղեկացվածությունը կարող է իր հետ բերել բացասական հետևանքներ:
