Վաշինգտոնում կայացել է կլոր սեղան ՝«Առաջադիմող Թուրքիան. Նոր պետության դժվարություններն ու հույսերը» թեմայով: Այս մասին հայտնում է Yeni Şafak պարբերականը:
Հանդիպման բոլոր մասնակիցները համակարծիք են, որ ապագա Թուրքիայի համար որոշիչ կլինի ԱՄՆ-ի ազդեցության գործոնը: Վաշինգտոնի ինստիտուտի Թուրքիայի հետազոտությունների ծրագրի տնօրեն Սոներ Չագապտայի կարծիքով՝ այժմ Սիրիան մեծ սպառնալիք է ներկայացնում Թուրքիայի տնտեսության ոսկե դարաշրջանի համար:
Դրա զարգացման տեմպերը կարող են արգելակվել՝ կախված այն բանից, թե Ասադը որքան կմնա իշխանության ղեկին: Թուրքիայի տնտեսության զարգացման վերջնական աղետը վրա կհասնի այն դեպքում, երբ Սիրիայի պատերազմը անցնի Թուրքիայի տարածք, կամ Անկարան ներքաշվի Դամասկոսի հետ զինված հակամարտության մեջ:
Սիրիական խնդրից բացի՝ կլոր սեղանի մասնակիցները կոչ են արել ճանաչել քրդական խնդիրը այնպես, ինչպես պաղեստինյան, աֆղանական կամ ժամանակին` հարավսլավական խնդիրը:
