ԱՄՆ-ը համամիտ չէ միջինասիական երկրների մտավախությանը՝ ԱՄՆ զինուժի՝ Աֆղանստանից դուրս բերելու վերաբերյալ: Այս մասին երեքշաբթի օրը Աշխաբադում հայտարարել է ԱՄՆ պետքարտուղարի՝ Կենտրոնական և Հարավային Ասիայի հարցերով օգնական Ռոբերտ Բլեյքը, հաղորդում է Ria Novosti-ին:
Նախատեսվում է, որ 2014թ. վերջին Աֆղանստանում անվտանգություն ապահովելու պատասխանատվությունը կդրվի աֆղանական անվտանգության ուժերի վրա, իսկ ՆԱՏՕ-ն կզբաղվի դրանց նախապատրաստմամբ և օգնություն կտրամադրի՝ չմասնակցելով ռազմական գործողություններին:
«2014թ.-ից հետո էլ մեր զինվորականները Աֆղանստանի զորքերին կօգնեն վարժվել, տեխնիկական համագործակցություն կցուցաբերեն: Մենք նաև աշխատանքներ կիրականացնենք ահաբեկչությունը դադարեցնելու հետ կապված:
Հայտնի չէ, թե քանի զինվորական կմնա այդ աշխատանքներն իրականացնելու համար, քանի որ ներկայումս բանակցություններ են տարվում ԱՄՆ և Աֆղանստանի կառավարությունների միջև»,- ասել է Բլեյքը մամլո ասուլիսի ժամանակ:
