Հայաստանում ֆրանկոֆոնիայի օրերն ավարտվում են ապրիլի 27-ին: Մինչ այդ ծրագրի շրջանակներում ապրիլի 18-ին կամերային երաժշտության տանը տեղի կունենա ֆրանսիական մանկական երգչախմբի համերգը, իսկ ապրիլի 21-ին տեղի կունենա ֆրանսահայ երաժիշտ Մկրտիչ Մկրտչյանի մենահամերգը: Այս մասին տեղեկացնում է Հայաստանում Ֆրանսիայի դեսպանության մշակութային կցորդ Ժան Պոլ Մարտենը:
Ընդհանրապես բոլոր երկրներում Ֆրանկոֆոնիայի օրերը նշվում են մեկ շաբաթ, սակայն Հայաստանում այն տևում է 4 շաբաթ:
Հայաստանում ֆրանկոֆոնիայի օրերի միջոցառումներում ընդգրկված են մշակութային բոլոր ոլորտները` դասական և ջազային երաժշտություն, թատերական ներկայացումներ, համերգներ եւ այլն:
Պոլ Մարտենը ասում է, որ Հայաստանի և Ֆրանսիայի բարեկամության մեջ խիստ կարևորում է մշակութային կապերի պահպանումը և խորացում:
«Հայաստանը դարերի մշակութային ավանդույթներ ունեցող երկիր է: Այստեղ երիտասարդների մոտ մենք տեսնում ենք մշակույթի մեծ պոտնեցիալ և պատրաստենք աջակցել նման մշակութային այլ միջոցատումների կազմակերպման»,-մեզ հետ զրույցում ասում է Պոլ Մարտենը:
