ՀԱԿ անդամ, «Ժողովրդավարական հայրենիք» կուսակցությունը իր քաղխորհրդի նիստում Կոնգրեսին ճգնաժամից դուրս բերելու աշխատանքային փաստաթուղթ է կազմել: Երեկ կուսակցության նախագահ Պետրոս Մակեյանը Aravot.am-ին ասաց, որ քաղխորհրդի որոշմամբ այդ փաստաթուղթը մինչև Կոնգրեսում չքննարկեն՝ չեն հրապարակելու:
Կուսակցությունը բացի այդ փաստաթղթից՝ որոշել է նաև առաջիկա ընտրություններին մասնակցելու ձևաչափը: Այս մասին էլ պարոն Մակեյանը շատ չմանրամասնեց՝ բացատրելով, որ առաջիկա ժամերին հայտարարությամբ հանդես կգան:
«Հայտարարությունը իրավիճակի գնահատականն է: Այս պահի դրությամբ ընտրություններում իրավիճակի փոփոխության հնարավորության տեսական ելքն ենք մշակել»,- ասաց պարոն Մակեյանը:
