Samsung Galaxy S-ի մատակարարումն առևտրի կենտրոններին գերազանցել է 100 միլիոն օրինակը, այս նիշին ընկերությունը հասել է 2,5 տարում, ասվում է Samsung Electronics հաղորդագրության մեջ:
Galaxy S III-ի առաքման քանակը 7 ամիսների ընթացքում 40 միլիոն օրինակ է կազմել: Նախկին մոդելը՝ Galaxy S II-ը 20 ամիսների ընթացքում վաճառվել է 40-միլիոն օրինակով: Galaxy S-ի առաջին տարբերակը վաճառվել է 24 միլիոն տարբերակով: Միջինը օրեկան Samsung-ը 190 հազար Galaxy սերիայի սարքավորումներ է վաճառում, տեղեկացնում է ընկերությունը:
2013 թ-ին Samsung-ը պլանավորում է շուկա հանել կես միլիարդ բջջային հեռախոսներ, որոնց մեկ քառորդը բաժին կհասնի սմարթֆոններին:
Վերլուծաբանները կանխատեսում են, որ 2012թ-ի տվյալներով՝ Samsung-ն առաջին անգամ Nokia-ից կխլի բջջային հեռախոսներ արտադրող ամենախոշոր ընկերության կոչումը:
