2016 թ. ԱՄՆ նախագահական ընտրություններում գլխավոր հակառակորդներ կարող են լինել երկրի նախկին ղեկավարների հարազատները՝ Բիլ Քլինթոնի կինը՝ Հիլարի Քլինթոնը, և Ջորջ Բուշ-կրտսերի եղբայրը՝ Ջեբ Բուշը: Այս մասին հայտնում է CNN-ը:
Նշվում է, որ Ջորջ Բուշը հայտնի է Քլինթոնների ընտանիքի հանդեպ համակրանքով, իսկ Հիլարիին նա «ազգական» է անվանում: Չնայած դրան՝ ԱՄՆ նախկին նախագահը վստահ է ընտրություններում իր եղբոր՝ Ֆլորիդայի նախկին ղեկավար Ջեբի հաղթանակի հարցում:
Բուշերի և Քլինթոնների ընտանիքների քաղաքական պայքարը վաղեմի պատմություն ունի: 1992 թ. ընտրություններում Բիլ Քլինթոնը հաղթել է Բուշ-ավագին, իսկ 2000 թ. Բուշ-կրտսերը հաղթել է Քլինթոնի օրոք փոխնախագահ Ալբերտ Գորին: 2008 թ. ընտրություններում իր թեկնածությունն է առաջադրել Հիլարի Քլինթոնը, որը կարող էր նախագահության համար պայքարել Բուշ-կրտսերի հետ, սակայն նա փրայմերիզը պարտվել է Օբամային:
Նոյեմբերի կեսին Բուշը հայտարարել է, որ իր եղբայր Ջեբը կարող է մասնակցել 2016 թ. ընտրություններին: Այն ժամանակ նրա հնարավորությունները Բուշը գնահատել է 50/50:
