Հազարավոր ցուցարարներ, որ այսօր առավոտյան դուրս են եկել Նյու Յորքի փողոցներ, փակել են մի շարք փողոցներ, ինչի հետևանքով երթևեկության խցանումներ են առաջացել քաղաքի կենտրոնում, ոստիկանությունը ձերբակալել է 40 մարդու:
Բողոքի ցույցի պատճառը երդվյալ ատենակալների դատարանի որոշումն է՝ պատասխանատվության չենթարկել ոստիկան Դենիել Պանտալեոյին, որը ձերբակալելիս խեղդել էր ծխախոտի անօրինական առևտրով զբաղվող սևամորթ Էրիկ Գարներին:
Մարդիկ երթով անցել են Նյու Յորքի Մանհեթենի փողոցներով, Թայմս-Սքվերով ու Ռոքֆելերի կենտրոնով:
Reuters-ի տվյալով՝ քաղաքի մեծ մասում բողոքի երթը խաղաղ բնույթ է կրում:
