ԵԱՀԿ Մինսկի խմբի համանախագահ-երկրների պատվիրակությունների ղեկավարները՝ ԱՄՆ պետքարտուղար Ջոն Քերին, Ռուսաստանի արտգործնախարար Սերգեյ Լավրովը և Ֆրանսիայի եվրոպական գործերով պետքարտուղար Հարլեմ Դեզիրը համատեղ հայտարարություն են տարածել Լեռնային Ղարաբաղի հակամարտության կարավորման վերաբերյալ: Այս մասին ասվում է կազմակերպության պաշտոնական կայքում:
«Մենք կարծում ենք, որ գորություն չունի ռազմական լուծում և կողմերին կոչ ենք անում զերծ մնալ բռնությունից, ակտիվորեն աշխատել ամուր կարգավորման հասնելու համար»,- ասվում է հայտարարության մեջ:
Հայտարարության հեղինակներն ափսոսանք են հայտնում՝ կապված 2014թ. հուլիս-օգոստոս ամիսներին հայ-ադրբեջանական զորքերի շփման գծում լարվածության սրման կապակցությամբ, որը հանգեցրեց մարդկային զոհերի և կողմերի միջև անվստահության ուժեղացման:
Փաստաթղթում նշվում է, որ կողմերը պետք է լրացուցիչ միջոցներ ձեռնարկեն 1994թ. ձեռք բերված հրադադարի ռեժիմը պահպանելու ուղղությամբ և նպաստավոր պայմաններ ստեղծեն խաղաղ բանակցությունների առաջընթացի համար:
Հայտարարության հեղինակները հիշեցրել են նոյեմբերի 12-ին զորքերի շփման գծում հայկական ուղղաթիռի խոցման դեպքը՝ նշելով, որ այդպիսի ողբերգությունից հնարավոր էր խուսափել:
«Մենք դիմում եմ կողմերին՝ կոչ անելով զսպվածություն ցուցաբերել՝ հետագա լարվածությունը կանխելու համար: Մենք նաև կոչ ենք անում կողմերին մարդասիրական խնդիրները լուծել 2010թ. հոկտեմբերին Հայաստանի, Ադրբեջանի և Ռուսաստանի Դաշնության նախագահների կողմից ընդունված Աստրախանի հռչակագրի ոգուն համապատասխան: 2014թ. Սոչիում, Նյուփորթում և Փարիզում Հայաստանի և Ադրբեջանի նախագահների հանդիպումները վերակենդանացրին կողմերի միջև բանակցությունների ամենակարևոր խողովակը: Մենք ողջունում ենք Փարիզում նախագահների որոշումը՝ գալիք տարում ակտիվացնել երկխոսությունը: Ժամանակն է, որպեսզի կողմերը հաղթահարեն տարաձայնությունները, վերականգնեն վստահությունը և կատարեն իրենց պարտականությունները՝ սկսելով բանակցային գործընթաց, որը կարող է հանգեցնել կարգավորման: Ակնկալվում է, որ կողմերը կխոստովանեն, որ համապարփակ կարգավորման հիմք են հանդիսանում այն տարրերը և սկզբունքները, որոնք ընդունվել են Ռուսաստանի, ԱՄՆ-ի և Ֆրանսիայի նախագահների ընդհանուր հայտարարություններում, հատկապես նրանաք, որոնք քննարկվել են Փարիզում վերջին հանդիպմանը: Համապարփակ խաղաղության համաձայնագրի շուրջ բանակցությունները ԵԱՀԿ Մինսկի խմբի հովանու ներքո պետք է սկսվեն հնարավորինս շուտ»,- ասվում է հայտարարության մեջ:
ԵԱՀԿ Մինսկի խմբի համանախագահ երկրները նախկինի պես պատրաստ են աշխատել հակամարտության կողմերի հետ՝ ամուր կարգավորման հասնելու համար: Հակամարտության կարգավորման հիմնական պատասխանտվությունն ընկած է հայկական ադբեջանական կողների վրա, ասվում է փաստաթղթում:
