Բելառուսական ապրանքների` Ռուսաստան ներմուծման վերջին սահմանափակումներից հետո Բելառուսի նախագահ Ալեքսանդր Լուկաշենկոն հայտարարեց, որ Մաքսային միության տարածքում մեկ միասնական մաքսային գոտին, որը ենթադրում է ապրանքների ազատ և անխոչընդոտ տեղափոխում, դե ֆակտո չի գործում:
Օգոստոսյան «պատժամիջոցային մրցավազքի» ընթացքում Արևմուտքի նկատմամբ պատասխան պատժամիջոցներ կիրառելոիս Ռուսաստանը ոչ միայն հաշվի չառավ Ղազախստանի և Բելառուսի դիրքորոշումը, այլև, հակառակ ՄՄ կանոնակարգի, անգամ տեղյակ չպահեց իր գործընկեր պետություններին կայացնելիք որոշման մասին: Սակայն չնայած դրան` Ռուսաստանը Ղազախստանից և Բելառուսից պահանջում է ըմբռնողական մոտեցում, իսկ երբ դա չի լինում` կիրառում է «Ռոսսելխոզնադզորի»՝ բազմիցս փորձած մահակը:
Արդեն հայտնի է, որ առաջիկա ամիսներին Ռուսաստանի նկատմամբ արևմտյան պատժամիջոցները չեն թուլանա, նաև տեսանելի է, որ ԵՏՄ անդամ Ղազախստանն ու Բելառուսը չեն պատրաստվում կիսել Պուտինի վարած քաղաքականության հետևանքով դժվար կացության մեջ հայտնված Ռուսաստանի տնտեսության վնասները:
Այս իրավիճակում ի՞նչ է սպասվում հունվարի 1-ից ԵՏՄ-ին անդամակցող Հայաստանին: Այս հարցի շուրջ ԱՆՏԻՆՈՄԻԱ-ի տաղավարում բանավիճում են «Հայրենական ապրանք արտադրողների միության» նախագահ Վազգեն Սաֆարյանը և ՀՊՏՀ տնտեսության կարգավորման և միջազգային հարաբերությունների ֆակուլտետի դեկան Ատոմ Մարգարյանը։
