Եմենում ԱՄՆ դեսպան Ջերալդ Ֆիրշտեյնը ներկայացրել է զեկույց, որում ուղղակիորեն մեղադրում է Իրանի ղեկավարությանն ու հատուկ ծառայություններին Եմենի հարավում իրադրության ապակայունացման նպատակաուղղված աշխատանքի մեջ: Այս մասին փոխանցում է Reuters գործակալությունը:
Դիվանագետի կարծիքով՝ Թեհրանը մտադրված աջակցում է անջատողականներին՝ տարածաշրջանի առանձնացման և Եմենի կառավարությունից անկախ պետության ստեղծման նպատակով:
«Մենք վկայություններ ունենք առ այն, որ Իրանն աջակցում է ծայրահեղական խմբավորումներին»,- սել է Ֆիրշտեյնը:
Նա նշել է, որ Լիբանանի տարածքում տեղակայված է հեռուստակայան, որը ղեկավարվում է Ալի Սալեմ Ալ-Բեյդի կողմից: Եթերի ձևաչաձն ուղղված է նախկին Հարավային Եմենի տարածքում բնակվող քաղաքացիների մեջ անկախության գաղափարի պրոպագանդմանը: «Ալ-Բեյդը բնակվում է Բեյրութում և դրամական միջոցներ ստանում Իրանի կառավարությունից: Կասկած չունենք, որ նա է կրում Եմենում ժողովրդավարության ձևավորման գործընթացը և մեր ջանքերը ձախողելու փորձի պատասխանատվությունը»,-հավելել է նա:
Եմենի խնդիրներն անդրադառնում են Պարսից ծոցի բոլոր երկրների վրա:
Նշենք, որ Եմենի Հանրապետության ստեղծման մասին պայմանագիրը, որը կոչված է միավորելու Հյուսիսային և Հարավային Եմենները, ստորագրվել է 1990 թվականի մայիսին: Դրա կնքմանը հաջորդել են արյունալի դիմակայության տարիները:
