Թուրքիան մնում է Սիրիա օտարերկրացի վարձկանների ներթափանցման հիմնական ուղին՝ չնայած վերջին շրջանում ձեռնարկված բոլոր սահմանափակող քայլերին, այդ թվում՝ ԱՄՆ-ի հետ համագործակցության: Այս մասին հայտարարել է Պետդեպի ավագ խորհրդական Ռոբերտ Բրադտկեն՝ փոխանցում է RIA Novosti-ն:
Նրա խոսքով՝ Թուրքիան ակտիվորեն համագործակցում է ԱՄՆ-ի և միջազգային հանրության հետ՝ կանխելու իր տարածքով դեպի Սիրիա վարձկաների ներթափանցումը:
«Թուրքիան ԱՄՆ-ի համար շատ կարևոր գործընկեր է տարածաշրջանում: Մենք հետաքրքրված ենք Սիրիայում առանց Ասադի քաղաքական կարգավորմամբ, ընդհանուր հետաքրքրություններ ունենք Սիրիայում և Իրաքում ահաբեկչական կազմակերպությունների դեմ պայքարում: Մենք վստահ ենք, որ Թուրքիան քայլեր է ձեռնարկում՝ կանխելու օտարերկրացի վարձկանների հոսքը, և մենք երկխոսություն ենք անցկացնում Անկարայի հետ այդ հարցով»,- հայտարարել է Բրադտկեն:
Նրա խոսքով՝ Թուրքիան ունի Սիրիայի հետ ամենաձգված սահմանը՝ ավելի քան 900 կմ: Բացի այդ, երկրի տարածքում են գտնվում ավելի քան 1 մլն սիրիացի փախստականներ, և հենց փախստականների ճամբարներում էլ կարող է տեղի ունենալ հավաքագրումը: Բացի այդ, նա մատնացույց է արել Թուրքիայում տարեկան մոտ 37 մլն զբոսաշրջիկների առկայությանը:
Բրադտկեի խոսքով՝ թուրքական կառավարությունն ահաբեկիչներից նավթ չի գնում, սակայն լինում են մաքսանենգության դեպքեր, և հենց այդ դեպքերը կանխելու համար իրենք համատեղ աշխատում են թուրքական կողմի հետ:
