«Հայ հեղինակ» հայ հեղինակների իրավունքների պաշտպանության ՀԿ-ի գլխավոր տնօրեն Սուսաննա Ներսիսյանը այսօր ահազանգեց, որ Հայաստանի «պիրատները» ոտնահարում են ոչ միայն շոու բիզնեսի ներկայացուցիների իրավունքները, այլև գրականության, ճարտարապետության ներկայացուցիչների։
Օրինակ՝ տվյալ վաճառքի կետի տնօրենը չի վճարում թե՛ արտասհմանյան, թե՛տեղի հեղինակների իրավուքների համար կառավարության կողմից հաստատված չնչին վճարը։
Օրինակ՝ արտասահմանյան հեղինակների երաժշտությունը հեռարձակելու համար եթերը ամսական միջինը տվյալ հեղինակին պետք է վճարի 100 հազար դրամ։ Ֆիլմերինը դեռևս հաստատված չէ։
«Կամ՝ վերջերս ուսումնասիրություն էի կատարում և հետաքրքրվում գներով. Լուսինե Զաքարյանի սկավառակը մի տեղ 500 դրամով էր վաճառվում, մյուս տեղում՝ 5000 դրամով։ Երբ հարցնում եմ՝ ո՞րն է տարբերությունը, ասում են՝ 5 հազարանոցը օրիգինալն է։ Նրան հարցնում եմ՝ լավ, օրիգինալը որտեղից, պատասխանում է, թե ժառանգներն են տվել։ Այնինչ ես Լուսինե Զաքարյանի ժառանգներին 10 տարի է՝ փնտրում եմ ու չեմ գտնում։ Այդ խաբեությունների պատճառով շատ հեղինակներ լքել են Հայաստանը, այն էլ՝ տաղանդավոր հեղինակներ։
Այսինքն՝ շատ հաճախ Հայաստանում օրիգինալի անվան տակ թանկ գնով վաճառվող տեսաերիզներն ու ձայնասկավառակները նույն պատենտներն են»,- մանրամասնեց Սուսաննա Ներսիսյանը։
