Արթուր Ալեքսանյանը շարունակում է հաղթարշավը Բունդեսլիգայում

Ինչպես արդեն տեղեկացրել ենք, հունահռոմեական ըմբշամարտի աշխարհի չեմպիոն, Եվրոպայի եռակի չեմպիոն, 98 կգ քաշային գյումրեցի ըմբիշ Արթուր Ալեքսանյանը նոյեմբերի 6-ին մեկնել էր Գերմանիա՝ ուժերը փորձելու բունդեսլիգայի ըմբշամարտի ակումբային առաջնությունում։

Համաձայն կնքած պայմանագրի՝ Արթուրը «Մայնց-88» ակումբի կազմում մինչև այս տարվա վերջ պարտավորվել է 4-5 գոտեմարտ անցկացրել:

Արդեն հայտնել ենք, որ Արթուրի նորամուտը բունդեսլիագայում փայլուն է ստացվել: 23-ամյա աշխարհի չեմպիոնը «Մայնց-88»-ի կազմում անցկացրած երկու գոտեմարտերում էլ վստահ հաղթանակներ է տոնել:

Դրանցից առաջինում՝ առաջնության 8-րդ մրցափուլի հանդիպումում «Մայնց-88»-ը 17:7 հաշվով առվելության հասավ «Մանսֆելդեր Լանդ»-ի նկատմամբ: 98 կգ քաշային կարգում Ալեքսանյանը 16:0 հաշվով համոզիչ հաղթանակ տարավ մրցակցի թիմում հանդես եկած 41-ամյա գերմանացի ըմբիշ Օրլին Մեյբների նկատմամբ: Այս մրցամարտից 1 օր անց՝ 9-րդ մրցափուլում «Մայնց-88»-ն 9: 11 հաշվով զիջեց «Կյոլերբախ»-ին, որին 1-ին շրջանի մրցամարտում պարտության էր մատնել 16:10 հաշվով:

Չնայած «Մայնց-88»-ը զիջեց իր մրցակցին թիմային պայքարում, սակայն 98 կգ քաշային կարգում Արթուր Ալեքսանյանը իր թիմին հաղթական կարևոր միավորներ պարգևեց: Նա այս անգամ էլ ծանրակշիռ ու տպավորիչ հաղթանակ տարավ բավական բարդ ու լուրջ մրցակցի նկատմամբ: Արթուրը 4:1 հաշվով առավելության հասավ 2014 թ հունահռոմեական ոճի ըմբշամարտի 85 կգ քաշային կարգի աշխարհի չեմպիոն, 32-ամյա ֆրանսիացի Մելոնին Նումոնվիի նկատմամբ:

Նոյեմբերի վերջին տասնօրյակում «Մայնց-88»-ը անցկացրեեց 10-12-րդ մրցրափուլերի հանդիպումներն, ու նախ 27:2 հաշվով հաղթեց «Աախեն-Վալհեյմին»-ին, ապա 13:14 հաշվով զիջեց «Մյոմբրիս –Քյոնիգշոֆ»-ին, իսկ 2օր առաջ էլ 17:7 հաշվով պարտության մատնեց ստուգատեսում 3-րդ տեղում ընթացող «Լյուկենվալդեր»-ին:

Հիշեցնենք, որ <Մայնց-88>-ը հանդես է գալիս Բունդեսլիգայի հյուսիսային գոտու մրցաշարում, ուր ելույթ են ունենում 7 թիմեր: Առայժմ այս գոտու հաղթողի կոչումը նվաճելու համար հիմնական պայքարն ընթանում է 2-րդ տեղը զբաղեցնող «Մայնց-88»-ի (թիմային 9 հաղթանակ է տարել ու 3 պարտություն կրել) և «Կյոլերբախ»-ի միջև:

Արթուր Ալեքսանյանը շարունակելով իր հաղթարշավը բունդեսլիգայում «Աախեն-Վալհեյմ»-ի հանդիպման ժամանակ ընդամենը 3.32 րոպեում բացահայտ առավելությամբ՝ 19:4 հաշվով պարտության մտեց Մարտին Օտտին, իսկ «Մյոմբրիս –Քյոնիգշոֆ»-ի հետ մրցամարտում էլ՝ 6:0 հաշվով Ռոբին Ֆերդինանդի ն կատամաբ: Իսկ ահա «Լյուկենվալդեր»-ի հետ հանդիպմանը Ալեքսանյանը չմասնակցեց :
Հավելենք, որ «Մայնց-88»-ի կազմում ընթացիկ առաջնության առաջին 3 մրցափուլերի հանդիպումներին մասնակցել է նաև ազատ ոճի մեր ուժեղագույն ըմբիշներից մեկը՝ 30-ամյա Միհրան Ջաբուրյանը,ով հայտավորված է այս ակումբում և 57 կգ քաշային կարգում այդ մրցափուլերում 3 անընդմեջ հաղթանակ է տոնել:

Հայաստանի ըմբշամարտի ֆեդերացիայի մամլո ծառայություն

 

Լուսանկարը՝ Photolure-ի