Ֆլորիդա նահանգի բնակիչը դաժանաբար սպանել է մորը՝ կրակելով և նետ արձակելով նրա գլխին: Հանցագործը սպանությունը պատճառաբանել է նրանով, որ մայրը գողացել է իր ադամանդներն ու «քաղցկեղով վարակել» հորը՝ հայտնում է Associated Press-ը:
Ոստիկանները հայտնաբերել են 65-ամյա կնոջ մարմին՝ նետերը գլխում: Նրա 42-ամյա որդին՝ Մայքլ Ուոթքինսը, խոստովանել է, որ սպանություն է գործել, և ասել է. «Դուք տեսնում եք մահը»:
Որդու խոսքով՝ մայրն ինքն է փորձել սպանել իրեն, սակայն չի բացատրել՝ ինչպես և ինչու:
Այնուհետև Ուոթքինսը իր գոտուց մեծ դանակ է հանել, ինչի պատճառով ոստիկանները ստիպված են եղել նրա նկատմամբ կիրառել կաթվածահար անող զենք: Ուոթքինսը ձերբակալվել է, նրա դեմ առաջադրվել են սպանության և ձերբակալության ժամանակ դիմադրություն ցույց տալու մեղադրանքներ:
