Ամերիկացի զինվորական բժիշկները ստուգել են ԱՄՆ նախագահ Բարաք Օբամայի ֆիզիկական վիճակը՝ ամենամյա պրոֆիլակտիկ ստուգման շրջանակում: Այս մասին հայտնում է Rosbalt-ը՝ հղում անելով Սպիտակ տան ներկայացուցչին:
Կանոնավոր հետազոտման համար Սպիտակ տան 51-ամյա ղեկավարն այցելել է հիվանդանոց, որը գտնվում է Պենտագոնի կենտրոնակայանում:
Նախագահի բժշկական ստուգման արդյունքները կհրապարակվեն ընթացիկ ամսվա վերջին:
Հիշեցնենք, որ նախորդ բժշկական ստուգման արդյունքում Օբամայի առողջական վիճակը գնահատվել է հիանալի: Բժշկական հետազոտությունը ղեկավարած բժիշկ Ջեֆրի Կալմենը նշել էր, որ Բարաք Օբաման ֆիզիկապես ակտիվ է, հետևում է առողջ դիետայի, ունի նորմալ քաշ, ժամանակ առ ժամանակ օգտագործում է ալկոհոլ և ամենակարևորը՝ կարող է կատարել իր ծառայողական պարտականությունները:
