Աֆղանստանում 136 տարեկան հասակում մահացել է աշխարհի ամենածեր կինը՝ Հասանոն: Այս մասին հաղորդում է «Պաժվակ» տեղեկատվական գործակալությունը:
Ըստ Աֆղանստանի Վարդակ նահանգի նահանգապետ Շահիդուլա Շահեդի մամլո քարտուղարի՝ հանգուցյալին թաղել են Նանգանհար նահանգի Լանդահեյլ գյուղում: Նշենք նաև, որ նահանգապետն այդ երկարակյաց կնոջ թոռն է:
«Հասանոն իր ամբողջ կյանքը նվիրաբերել է մուսուլմանական կրոնի ուսումնասիրմանը և եղել դրա հետևորդը: Կյանքի վերջին տարիներին նա նամազից առաջ 5 անգամ լվացում էր անում»,- ասել է մամլո քարտուղարը:
Այլ հարազատների խոսքերով՝ ՅՈՒՆԵՍԿՕ-ի ներկայացուցիչները ևս տվյալներ են հավաքել Հասանոյի մասին, սակայն կոնկրետ քայլեր չեն ձեռնարկել: Հասանոն ուներ 7 աղջիկ, որոնցից 2-ը մահացել են 70 և 68 տարեկան հասակում:
Նանգանհար նահանգի Դուրբաբա անցակետի ոստիկանապետ Հաջի Գոլ Վալին, որը նաև Հասանոյի ծոռն է, ասել է, որ ամենաերկարակյաց կինը ընտանիքի 465 անդամի նախատատն է:
