Բելգիայի դատախազությունը բացասական եզրակացություն է տվել Եվրոպայի ամենահարուստ մարդուն` ֆրանսիացի Բեռնար Առնոյին Բելգիայի քաղաքացիություն տրամադրելու հարցմանը:
Տեղական ԶԼՄ-ների փոխանցմամբ՝ լյուքս դասի արտադրանքի վաճառքի գործում մասնագիտացող LVMH ընկերության ղեկավարը բելգիական քաղաքացիություն ստանալու համար դիմել էր անցյալ տարվա հուլիսին:
Իր եզրակացությունը պետք է ներկայացնի նաև Բելգիայի ազգային անվտանգության ծառայությունը:
Ինքը` Առնոն հայտարարել է, որ ինքը եղել և մնում է Ֆրանսիայի հարկատու, իսկ երկքաղաքացիություն ցանկանում է ստանալ Բելգիայում բիզնեսի ընդլայնման նպատակով: Նրան քաղաքացիություն տալու հարցը նախկինում չէր հաստատել օտարերկրացիների հարցերով զբաղվող գործակալությունը, իսկ վերջնական որոշում կկայացնի խորհրդարանի համապատասխան հանձնաժողովը:
Ասվում էր, թե Առնոն չի իրականացրել նատուրալիզացիայի հիմնական սկզբունքը` չի բնակվել Բելգիայի տարածքում վերջին 3 տարվա ընթացքում, ինչն էլ միգրացիոն գործակալության համար նրան մերժելու հիմք է հանդիսացել:
