Ստամբուլի Բայրամփաշա շրջանի հավաքարարը ոստիկաններին է հանձնել իր գտած կասկածելի իրը, որը, ինչպես պարզվել է, բեկորային ազդեցության ռումբ է:Այս մասին հաղորդում է MK-Turkey կայքը:
Թափանցիկ կպչուն ժապավենով պարուրված փաթեթը տեղադրված է եղել շրջանի Հասանփաշա փողոցի մեքենաներից մեկի տակ: Հավաքարարը, ով այն նկատել է գիշերային ուշ ժամին, չիմանալով պարունակության մասին, մինչ պարեկներին հանդիպելը տեղափոխել է այն մի քանի հարյուր մետր:
Սակրավորներն անմիջապես վնասազերծել և ռումբը փոխանցել են ոստիկանության ահաբեկչության դեմ պայքարի բաժնի աշխատակիցներին:
Ինչպես պարզվել է, մեքենան, որի տակ հայտնաբերվել է ռումբը, պատկանել է հատուկ ծառայությունների ներկայացուցչին:
Դեպքի վերաբերյալ ցուցմունք տալու համար հավաքարար Բինիջիին տեղափոխել են ոստիկանական բաժանմունք: Փաստի առթիվ քրեական գործ է հարուցվել:
