«Բոյկոտել ընտրությունները նշանակում է աջակցել Սերժ Սարգսյանին. ես նման խաղերում չկամ». նախագահի թեկնածու Պարույր Հայրիկյանն այսօր «Փաստարկ» ակումբում հրավիրված մամլո ասուլիսի ընթացքում այսպես արտահայտվեց մեկ այլ թեկնածու Անդրեաս Ղուկասյանի այն կոչին, որ նախագահական ընտրություններից առաջ թեկնածուները պետք է ինքնաբացարկ հայտնեն և բոյկոտեն ընտրությունները:
«Դա էր մնում պակաս` ինչ-որ նորելուկ ինձ ասի, թե ես ինչ անեմ: Կամ ասում է՝ ով չի միանում, սատարում է Սերժ Սարգսյանին: Թող չստիպեն ասեմ` ով է իրականում աջակցում գործող նախագահին»:
ԱԻՄ առաջնորդը բոյկոտի մասնակիցներից նախավերջինը կլինի՝ միայն եթե արտակարգ այնպիսի դրություն ստեղծվի, որը կապացուցի, որ ընտրություններին մասնակցելն անիմաստ է:
