2012 թ. սննդի համաշխարհային գներն անցած տարվա համեմատ 7 %-ով նվազել են: Այս մասին է ասվում ՄԱԿ-ի սննդի և գյուղատնտեսության կազմակերպության (FAO) զեկույցում:
FAO-ի տվյալներով՝ անցած տարվա համեմատ ամենից շատ շաքարը (17,1 %), կաթնամթերքները (14,5 %), բուսական յուղերն (10,7 %) են էժանացել: Հատիկավորների գները նվազել են 2,4 %-ով, իսկ միսը՝ 1,1 %-ով:
2012 թ. տվյալներով՝ սննդի հումքի ազատ ինդեքսը հավասարվել է 212-ի: Դեկտեմբերին այդ թիվը 209 էր, իսկ հուլիսին երաշտի ֆոնի վրա ԱՄՆ-ում այն բարձրացել էր մինչև 213-ի: Համեմատության համար՝ 2011 թ. փետրվարին ինդեքսը բարձրացել էր մինչև ռեկորդային 238 նիշը:
Հունվարի 10-ին բրիտանական The Institution of Mechanical Engineers-ը (IME) հրապարակել է մի զեկույց, որի համաձայն՝ աշխարհում արտադրվող սննդամթերքների 30-50 %-ը բերքի հավաքման, պահպանման և տեղափոխման անարդյունավետության պատճառով փչանում է:
Այսպիսով, IME-ի հաշվարկներով՝ ԱՄՆ-ում և Եվրոպայում գնվող մթերքների գրեթե կեսը թափվում է այն պատճառով, որ դրանք չեն օգտագործվել: Ուսումնասիրության հեղինակները ստեղծված իրավիճակը, երկրագնդի բնակչության աճի հետ պայմանավորված, ողբերգական են համարել:
