Լանա Դել Ռեյը դարձել է Maxim ամսագրի նոր թողարկման հերոսուհին՝ ամսագրի էջերին հայտնվելով բաց ֆոտոշարքով: Լանան պատմել է Կալիֆոռնիայից Նյու Յորք տեղափոխվելու մասին. «Ես Նյու Յորքի հետ սիրավեպ ունեմ: Ես հիացած եմ այդ քաղաքի մշակույթի պատմությամբ՝ 60-ականներ, Բոբ Դիլան, բիտնիկ-պոետներ: Հենց Նյու Յորքի մթնոլորտն է ինձ ստիպում ստեղծագործական նոր որոշումներ գտնել»:
Երգչուհին նշել է, որ հանդիսատեսը նրա արվեստը ավելի լրջորեն է սկսել ընդունել այն բանից հետո, երբ նա մազերը մուգ է ներկել. «Չգիտեմ ինչու, երբ մազերս մուգ ներկեցի, մարդիկ իրոք սկսեցին իմ երաժշտությանը այլ կերպ վերաբերվել»:
Հարցազրույցի ընթացքում Լանա Դել Ռեյը ընդգծել է, որ համաձայն չէ երաժշտական իր ոճի տրանսֆորմացիայի մասին քննադատների պնդումների հետ. «Ես չէի ասի, թե իմ երաժշտությունը փոխվել է: Ավելի շատ փոխվել է իմ երաժշտության ընկալումը»:
Instagram-ի իր էջում Լանան տեղադրել է հետնաբեմյան նկարահանումներից մի կադր:
Մինչդեռ, օրերս համացանցում հայտնվել է Մերիլին Մենսոնի երգի տեսահոլովակը, որը 2012թ. նկարահանվել է ռեժիսոր Էլայ Ռոտի կողմից: Տեսահոլովակում Լանա Դել Ռեյին սեռական բռնության են ենթարկում:
Հանրությունը քննադատվել է տեսահոլովակը՝ ռեժիսորին մեղադրելով կանանց նկատմամբ բռնությունները գլամուրացնելու մեջ: Հրապարակումից մի քանի ժամ անց տեսահոլովակը հեռացվել է Youtube-ից, իսկ Մերիլին Մենսոնի ներկայացուցիչները հայտարարել են, որ արտիստը այդ հոլովակի հետ կապ չունի:
