51 տարի առաջ այս օրը՝ 1963թ. նոյեմբերի 22-ին, սպանվել է ԱՄՆ 35-րդ նախագահ Ջոն Քենեդին:
Ջոն Քենեդին ԱՄՆ նախագահ է ընտրվել 1961-ի հունվարին՝ դառնալով երկրի պատմության մեջ ամենաերիտասարդ պետության ղեկավարը: Շատերն էին Քենեդու նկատմամբ մեծ հարգանք տածում՝ շնորհիվ նրա վճռականության, ինտելեկտի մակարդակի և սրամտության:
Չնայած Կոնգրեսում մեծամասնություն կազմող պահպանողականները արգելափակում էին նրա նախաձեռնություններն ու բարեփոխումները՝ Քենեդուն հաջողվեց մի շարք օրենքներ ընդունել և երկրում իրավիճակ փոխել:
1963-ի վերջին Քենեդին շրջագայում էր ամբողջ երկրով: 1963-ի նոյեմբերի 22-ին նա և նրա կինը՝ անչափ հմայիչ Ժակլինը, բաց Լիմուզինով մուտք գործեցին Դալլասի կենտրոն: Ժամը 12:30-ին դիպուկահարը կրակ բացեց: Նախագահին դիպավ երկու փամփուշտ՝ մեկը պարանոցին, մյուսը՝ գլխին: Նա մահացավ մինչ հոսպիտալ հասնելը:
