Էստոնիայի նախագահ Թոմաս Հենդրիկ Իլվեսը կպչուն ժապավենով փակել է իր համակարգչի վեբ-տեսախցիկը: Այս մասին հայտնում է Interfax-ը՝ հղում կատարելով տեղի ԶԼՄ-ներին: Ըստ վերջիններիս հաղորդման՝ երկրի ղեկավարն այդ մասին ասել է տվյալների պաշտպանության համաժողովի ժամանակ:
Ինչպես նշվում է, Էստոնիայի նախագահը այդկերպ որոշել է իրեն պաշտպանել, եթե համակարգիչը ցանցահենները կոտրեն:
«Նախագահի անհանգստությունը, որ վեբ-տեսախցիկը կարող է հայտնվել ցանցահենների ձեռքում, միանգամայն արդարացված է»,- հայտարարել է Էստոնիայի համակարգչային անվտանգության ծառայության ղեկավար Հիլար Աարելայդը:
Նա հիշեցրել է, որ համակարգիչը կոտրելու դեպքում այն կոտրողը կարող է մատչում ստանալ այդ համակարգչին միացված սարքերին:
Ցանցահեններից պաշտպանվելու խնդիրը Էստոնիայում ակտուալ դարձավ 2007թ. ապրիլյան իրադարձություններից հետո:
Տեղի իշխանությունների որոշումը՝ տեղափոխել Ազատամարտիկի արձանը, ինչպես նաև ցանցահենների կողմից կառավարական կայքերը կոտրելը առաջացրել էին զանգվածային անկարգություններ:
Էստոնիայի ղեկավարությունը այն ժամանակ պնդում էր, որ կիբերհարձակման հետևում կանգնած են ռուսական իշխանությունները:
