Google+ սոցիալական ցանցում հայտնվել է լուսանկարները մանրակրկիտ դիտելու հնարավորություն: Նորարարության մասին հունվարի 9-ին պատմել է Google-ի աշխատակից Դեյվ Քոենը: Ավելի ուշ այս ծառայության ներկայացումը հրապարակվել էր Google-ի կայքում:
Google+-ում նկարը բացելով՝ օգտատերը կարող է այն մեծացնել մկնիկի անվի միջոցով: Դրա հետ մեկտեղ անկյունում կհայտնվի պատկերի քարտեզը, որի օգնությամբ հնարավոր է տեղափոխվել լուսանկարի այլ հատվածներ և փոխել մասշտաբները:
Google+-ը օգտատերերին 5 մեգաբայթ մեծությամբ նկարներ տեղադրելու հնարավորություն է տալիս: Դրա հետ մեկտեղ լուսանկարները չեն սեղմվում, այլ պահվում են իրենց ամբողջական չափերով, սակայն դիտման ժամանակ սեղմվում են պատուհանի չափ:
Սոցիալական ցանցում ներդրված է լուսանկարի որակի ավտոմատ բարելավման ծառայություն և «մեծ» ֆոտոխմբագիր, որը թույլ է տալիս կտրել և շրջել պատկերները, ինչպես նաև նրանց վրա տարբեր ֆիլտրեր դնել:
