ԱՄՆ նախագահ Բարաք Օբամայի երդմնակալության արարողության կազմակերպիչները բարերարներին խնդրել են 1 մլն դոլարի չափով ներդրում կատարել` փոխարենը ստանալով միջոցառման մասնակցության մուտքի արտոնյալ տոմս:
Կազմակերպիչները հույս ունեն նման ձևով վճարել հունվարի 21-ին Օբամայի երդմնակալության արարողության համար ծախսվելիք գումարները:
Գործակալության տեղեկությունների համաձայն՝ բարերարներին, կախված ներդրած գումարի չափից, տրամադրվելու են 4 հատուկ փաթեթներ, որոնք ներառելու են համերգների հրավերներ, երդմնակալության բուն արարողության մասնակցություն, ինչպես նաև՝ երեխաների համար նախատեսված համերգներ:
Նախագահի երդմնակալության համար ծախսած միջոցներով համապատասխան հանձնաժողովը կարող է ռեկորդ սահմանել:
Երդմնակալության արարողության համար միջոցների հավաքագրումն արժեզրկում է Օբամայի` իր նախագահության ընթացքում բարերարներին «ձեռքում պահելու» խոստումը:
