ԵՄ ֆինանսավորման ծրագրերը ներդրումներ են կատարել՝ կյանքի կոչելու 2002-2012 թվականների ընթացքում Թուրքիայի ոչ կառավարական կազմակերպությունների մշակած 3039 նախագծեր: Այս մասին հայտնում է «Անադոլու» գործակալությունը:
ԵՄ ծրագրերն այդ նախագծերի համար ներդրել են 386.6 մլն թուրքական լիրա` հայտնում են Թուրքիայում ԵՄ հարցերով նախարարության ներկայացուցիչները:
Նախագծերի ֆինանսավորման առումով ամենահաջողակը եղել են քաղաքապետարանները: Նրանց 304 նախագծերի համար կտրամադրվի 99.7 մլն թուրքական լիրա:
Դրանց հաջորդում են փոքր և միջին ձեռնարկությունները՝ 47.7 մլն թուրքական լիրա ընդհանուր արժեքով` 654 նախագծերի համար:
Ֆինանսավորման առումով ամենահաջողակ նահանգը Ստամբուլն է, որը 178 նախագծերի համար 22 մլն լիրա ֆինանսավորում կստանա: Նրան հաջորդում է Անկարան՝ 21.9 մլն լիրա` 189 նախագծերի համար:
