Հազիվ սկսվեց նոր տարին, և կինոակադեմիայի անդամները բախվեցին որոշ բարդությունների հետ: Բանն այն է, որ այս տարվանից քվեաթերթիկները կհայտնվեն համացանցում: Սակայն կայք մուտք գործելը շատ բարդ է: Օգտատերերը պետք է գաղտնաբառ ստեղծեն, որը հաճախ մերժվում է համակարգի կողմից: Երեք անհաջող փորձերից հետո կայքը արգելափակում է քվեարկության անդամին: Ակադեմիայի խորհրդատվական թեժ գիծը նոր գաղտնաբառ կառաջարկի, սակայն կայք մուտք գործելու համար 24 ժամ հարկավոր կլինի:
Ակադեմիայի մամլո քարտուղարը նկատել է, որ պետք է ապահովվի հարմարավետությունն ու անվտանգությունը: Այս փոքր տեխնիկական խնդիրները կարող են մեծ հետևանքներ ունենալ. քվեարկության այս համակարգը կվախեցնի շատերին, և նրանք ուղղակի այս տարի չեն քվեարկի:
Էլեկտրոնային քվեարկության խնդիրների պատճառը որոշ մարդիկ քվեարկողների միջին տարիքն են համարում և համակարգչի հետ աշխատելու նրանց փորձը: Եթե դա այդպես է, ապա շատ ֆիլմեր իրենց արժանիքներին համապատասխան չեն գնահատվի և հաղթանակի նրանց շանսերը կփոքրանան: Սակայն Ակադեմիայի ղեկավարներից մեկը՝ Ռիկ Ռոբերթսոնը, հայտարարել է, որ էլեկտրոնային քվեարկությունը չի կրճատի մասնակցությունը, այդ պատճառով էլ պետք է ենթադրել, որ «Օսկար»-ն արժանավորին բաժին կհասնի:
