Հայտնի բրիտանացի ճանապարհորդ, 68-ամյա սըր Ռանուլֆ Ֆայնսը Քեյփթաունից մեկնել է ամենացուրտ ճանապարհորդությանը Անտարկտիկայով, երբ փրկարարների օգնության հնարավորություն չկա:
«Սա ամենացուրտ ճանապարհորդությունն է մարդկության պատմության ընթացքում՝ անցնել Անտարկտիկան ձմռանը»,-հայտարարել է ՀԱՀ տրանսպորտի նախարար Սինդիսիվե Չիկունգը՝ ճանապարհելով Ֆեյնսին ու նրա հինգ մարդուց բաղկացած խմբին «Ագուլաս» բևեռային նավով,- հաղորդում է ITAR-TASS-ը:
Չորս ամսից Ֆայնսը պետք է հասնի Անտակտիդա և մարտին սկսի իր արշավը Նովո ճամբարից դեպի Հարավային բևեռ: Վեց ամսվա ընթացքում հետազոտողները պետք է հաղթահարեն չորս հազար կմ տարածք և կտրեն սառցե մայրցամաքը, որտեղ ռեկորդային ցածր ջերմաստիճան է՝ -89,2 աստիճան Ցելսիուս:
Արշավախումբը փրկարարների օգնության հնարավոություն չի ունենալու, քանի որ ոչ մի ինքնաթիռ չի կարող օդ բարձրնալ նման եղանակային պայմաններում՝ վառելիքը կսառչի:
Խումբը արշավին նախապատրաստվել է մի քանի տարի: Արշավի հիմնական մասը իրականացվելու է լիակատար մթության մեջ: Խմբի անդամների հագուստները հատուկ տաքացվում են:
Հետազոտողները պլանավորել են հետազոտել Հարավային բևեռի փոփոխությունները: Եթե ամեն ինչ նորմալ ընթանա, ապա Ֆայնսի խումբը արշավը կավարտի սեպտեմբերի 21-ին:
