Հյուսիսմեքսիկական Տորեոն քաղաքի իշխանությունները գտել են բարերի վրա հարձակումներին հակազդելու միջոցը: Այդ հարձակումների հետևանքով տարվա սկզբից սպանվել է 13 մարդ: Երկուշաբթի որոշում է կայացվել փակել հաճախորդների համար առավել վտանգավոր զվարճանքի վայրերը:
Ըստ տեղի իշխանությունների տեղեկությունների՝ արդեն փակվել է նման ութ հաստատություն: Հատկանշական է, որ հաստատությունների ցուցակում, որոնց արգելված է հաճախորդներ ընդունել, չեն հայտնվել այն հաստատությունները, որոնք հարձակման արդեն ենթարկվել են հունվարի առաջին օրերին:
Թե ինչ սկզբունքով են փակ բարերը ճանաչվել ոչ ապահով՝ իշխանությունները չեն հաղորդում, սակայն այդ բոլոր գործողությունները տեղի են ունենում այն օպերացիայի շրջանակներում, որոնք անցկացվում են իրավապահ մարմինների կողմից: Առաջիկա օրերին սպասվում է նմանատիպ ևս 10 հաստատությունների փակում:
Բարերի վրա հարձակումները և այցելուների գնդակահարությունները ստիպել են իշխանություններին գործի դնել «Կարմիր կոդ» պլանը և գրավել ոստիկանությանը հանցագործության բոլոր հանգամանքները ուսումնասիրելու համար, սակայն դեռ բոլոր հանգամանքները պարզված չեն: Միևնույն ժամանակ, մյուս հաստատությունների սեփականատերերը սկսել են խնդրել այցելուներին լքել հաստատությունները հարձակումների վտանգավոր սերիայի պատճառով: Սոցիալական ցանցերում կոչ է արվում դեռ զերծ մնալ զվարճանքի վայրեր հաճախելուց:
