ՄԱԿ-ի գլխավոր քարտուղարի հիասթափությունը կապված է այն բանի հետ, որ Ասադը հաշվի չի առել Սիրիայում անցումային կառավարություն ստեղծելու գործում բոլոր ուժերի և հասարակության տարբեր շերտերի ներգրավումը:
ՄԱԿ-ի գլխավոր քարտուղար Պան Գի Մունը քննադատել է Սիրիայի նախագահ Բաշար Ասադի ելույթը` նշելով, որ այն միտված չէ հակամարտության դադարեցմանը, որը շարունակվում է 2011 թ. մարտից և տարբեր գնահատականներով արդեն խլել է ավելի քան 60 հազար մարդկային կյանք:
Կիրակի օրն Ասադը հանդես էր եկել ելույթով և ներկայացրել էր իրավիճակից դուրս գալու իր տեսլականը, որտեղ հիմնականում նշում էր, որ պետք է դադարեցվի օտարերկրացիների կողմից ահաբեկիչների ֆինանսավորումը, պետք է ստեղծվի նոր կառավարություն, իրականացվի նոր սահմանադրության մշակում և համընդհանուր համաներում հայտարարվի:
Ասադի այս ծրագրին ակտիվորեն աջակցում է ՄԱԿ-ի և Արաբական պետությունների լիգայի հատուկ բանագնաց Բրահիմին, ով հույս ունի, որ Սիրիայի պատերազմը 2013 թ. կավարտվի:
