ԱՄՆ-ին ոչ ոք չի լսում, երբ այն «հետքայլ է կատարում» և «բարձր չի խոսում»: Նման կարծիք է հայտնել ԱՄՆ նախկին պետքարտուղար Քոնդոլիզա Ռայսը Fox հեռուստաալիքի եթերում:
«Մենք նկատում ենք, որ երբ ԱՄՆ-ը հետքայլ է կատարում և խոսում է ոչ բարձր, ոչ ոք չի լսում»,- ասել է նա՝ «ավելի ուժեղ ամերիկյան առաջնորդության» կոչ անելով:
Մասնավորապես, Ռայսը քննադատել է ամերիկյան զորքերի դուրսբերումը Իրաքից, ինչը նրա կարծիքով՝ դժվարացնում է պայքարը ԴԱԻՇ-ի ծայրահեղականների դեմ: Նա կարծում է, որ ԱՄՆ-ը կարող էր ավելի լավ պատրաստել իրաքցիներին ահաբեկչության դեմ պայքարում, և «հաստատապես տեղերում կունենային մեծ աչքեր և ականջներ»՝ ԴԱԻՇ-ի ուժեղացումը նկատելու համար:
