Մոլդովայի գլխավոր դատախազ Վալերի Զուբկոն մեղադրվում է որսի ժամանակ պատահաբար մարդ սպանելու մեջ: Ինչպես հաղորդում է Lenta-ն, նման մեղադրանքով հանդես է եկել «Հակամաֆիա» հասարակական շարժման առաջնորդ Սերջի Մոկանուն:
Մոկանուի խոսքերով՝ դեպքը տեղի է ունեցել 2012 թ. դեկտեմբերի 23-ին Գլոդենի շրջանում, երբ դատախազ Զուբկոյի կրակոցի զոհ է դարձել 1978 թ. ծնված Սորին Պաչուն:
Նրա խոսքերով՝ պատահարի վկաները եղել են Վերաքննիչ պալատի նախագահ Գեորգե Կրեցուն, հեռուստատեսության և ռադիոյի համակարգող խորհրդի անդամ Նիկոլայ Դամասկինը և տեղի անտառապահը:
Մոկանուն նաև նշել է, որ Զուբկոն ցանկացել է խոստովանել կատարվածը, սակայն հանրապետության ղեկավարությունն արգելել է նրան անել դա:
Մոլդովայի գլխավոր դատախազությունը հերքում է տեղեկատվությունն այն մասին , որ դատախազը մարդ է սպանել: Գերատեսչությունում հաստատել են, որ որսի ժամանակ մարդու մահվան ելքով պատահար է տեղի ունեցել, սակայն Զուբկոյի մասնակցությունն անվանել են «սուտ և զրպարտություն»։
Մոլդովայի արտգործնախարար Իոն Բոդուրգը հայտնել է, որ ոստիկանությունը նույնպես տեղյակ է պատահարից, սակայն դրա հետաքննությամբ զբաղվում է դատախազությունը:
Վալերի Զուբկոն Մոլդովայի գլխավոր դատախազի պաշտոնը զբաղեցրել է 2009 թ.:
