Ժառանգությունն ու ՀԱԿ-ը հանրահավաքներ անցկացնելու համար դիմել են քաղաքապետարան։ Այս մասին տեղեկանում ենք Երևանի քաղաքապետարանի կայք-էջից։
Երևանի քաղաքապետի լիազոր ներկայացուցչի որոշմամբ, ի գիտություն է ընդունվել «Ժառանգություն» կուսակցության վարչության փոխնախագահ Արմեն Մարտիրոսյանի իրազեկումը` 2014 թվականի նոյեմբերի 21-ից, մինչև նոյեմբերի 30-ը` հավաքներ անցկացնելու վերաբերյալ։
Ընդ որում, նոյեմբերի 21-ին և 28-ին նախատեսվող հավաքները պետք է տեղի ունենան Մատենադարանին հարող տարածքում։ Չի բացառվում, որ պատճառը այդ օրերին Ազատության հրապարակում հավաք անցկացնելու համար իրազեկումն է, որը ներկայացրել է «Հայ Ազգային Կոնգրես» կուսակցության գործադիր քարտուղար՝ Ս. Աբրահամյանը։
Ի դեպ, այդ օրերին, ըստ իրազեկման, նախատեսված է նաև երթ ժ.19.30-ից՝ Ազատության հրապարակ-Մաշտոցի պողոտա-Ամիրյան փողոց-Հանրապետության հրապարակ-Նալբանդյան փողոց-Թումանյան փողոց-Ազատության հրապարակ երթուղով։
