«Ազատ դեմոկրատներ» քաղաքական կուսակցությունը, որի առաջնորդն է Իրակլի Ալասանիան, դուրս եկավ «Վրացական երազանք» կոալիցիայից: Այս մասին հայտնում է «Գրուզիա Օնլայն»-ը:
Նշվում է, որ այս րոպեներին անցկացվում է «Վրացական երազանք» կոալիցիայի քաղխորհրդի նիստ: Նիստերի դահլիճից դուրս գալով՝ Ալասանիան հայտարարել է, որ «Ազատ դեմոկրատները» եկել են հրաժեշտ տալու:
Որոշ տվյալներով՝ նիստին մասնակցում է Վրաստանի նախկին վարչապետ Բիձինա Իվանիշվիլին, և հենց նրա ներկայությունն է եղել «Ազատ դեմոկրատների» դեմարշի պատճառը:
Շենքից դուրս գալիս «Ազատ դեմոկրատների» ներկայացուցիչ, պատգամավոր Զուրաբ Աբաշիձեն ասել է. «Չարժե նրանց հետ լինել»:
