Ամերիկյան կառավարությունը չի պատրաստվում դիմել Կոնգրեսին՝ NASA աերոտիեզերական գործակալության ֆինանսավորման ծավալների ավելացման հայցով՝ չնայած «մասնավոր տիեզերագնացության» զարգացման ոլորտում վերջին օրերին տեղի ունեցած երկու խոշոր անհաջողություններին: Դրան է տարել էությունն այն մեկնաբանություների, որոնցով ճեպազրույցում հանդես է եկել Սպիտակ տան մամլո քարտողար Ջոշ Էռնեստը: Այս մասին փոխանցում է TASS գործակալությունը:
Նրանից հետաքրքրվել են, թե ԱՄՆ վարչակազմը չի՞ ծրագրում արդյոք վերանայել NASA-ի գործունեության համար հատկացումների մակարդակը: Հնարավոր վերանայման համար հիմք են տալիս Ռուսաստանի հետ հարաբերությունների կտրուկ սրումը և Antares հրթիռակրի և SpaceShip Two տիեզերանավի կործանումներն անցած շաբաթ:
Ի պատասխան՝ ամերիկացի առաջնորդի պաշտոնական ներկայացուցիչը վստահություն է հայտնել, որ ԱՄՆ-ը գտնվում է տիեզերական հետազոտությունների հավակնոտ և կայուն ուղու վրա:
Նրա խոսքով՝ նախագահը շարունակում է հավատալ տիեզերական ծրագրում միջոցների ներդրման արժեքին:
«Չնայած վերջին անհաջողություններին, որոշ դեպքերում՝ ողբերգական, նախագահը շարունակում է լավատեսությամբ նայել ԱՄՆ տիեզերական ծրագրի ապագային»,- ասել է Էռնեստը:
