Գիտություն, արվեստ, հետազոտություն կամ դաժանություն. ինչն է հիմք ծառայել այս ինստալյացիայի համար՝ յուրաքանչյուրը կարող է որոշել իր համար: Սակայն սեփական աչքերով տեսնել կտավներ՝ ներսում կենդանի մրջյուններ, անկասկած, անմոռանալի իրադարձություն է՝ գրում է kulturologia.ru-ն:
Առաջին հայացքից այդ կտավներում անսովոր ոչինչ չկա՝ գունավոր շերտեր ու սպիտակ քաոտիկ գծագրված գծեր: Սակայն դրանք մոտիկից զննելու դեպքում դիտողը ապակե կտավների ներսում հայտնաբերում է կենդանի մրջյունների:
Հեղինակի մտահղացմամբ՝ հենց այդ աշխատասեր միջատներն են այս անսովոր ինստալյացիայի իսկական նկարիչները:
Բրեդ Տրումելի ինստալյացիան իրենից ներկայացնում է առաստաղից կախված տասնյակ կտավներ՝ պլեկսիգլասից: Դրանց ներսում կա հատուկ գել, որը պարունակում է մրջյունների համար նախատեսված սննդարար նյութեր: Կտավները թափանցիկ են, այնպես որ՝ դիտողը անձամբ կարող է հետևել փոքրիկ միջատներին, որոնք նորանոր թունելներ են ստեղծում՝ ելքերով ու մուտքերով:
