Սինայի «Անսար Բեյթ Ալ-Մակդիս» ահաբեկչական խմբավորման անդամները հավատարմության երդում են տվել ԴԱԻՇ-ին: Այս մասին հայտնում է Reuters գործակալությունը: Զինյալները նման հայտարարություն են արել նոյեմբերի 3-ին:
«Անսար Բեյթ Ալ-Մակդիսը», որն ակտիվ ահաբեկչական գործունեություն է իրականացնում Եգիպտոսում, համարվում է «Ալ-Քաիդայի» ստորաբաժանում: Այդ կազմակերպությունն աջակցում է Սիրիայում և Իրաքում ԴԱԻՇ-ի գործողություններին, թեև չի պատկանում դրան:
Ավելի վաղ հայտնի էր դարձել, որ Սինայի խմբավորումը լրտեսության համար մահապատժի է ենթարկել 4 մարդու:
