Եպիսկոպոսների պալատը, որը հանդիսանում է անգլիկան եկեղեցու 3 հիմնական մասերից մեկը, ուրբաթ օրը հայտարարել է, որ Անգլիայի եկեղեցին պատրաստ է եպիսկոպոսներ ձեռնադրել այն միասեռականներին, ովքեր չամուսնանալու խոստում կտան։
Անգլիայի և Ուելսի եկեղեցիներն արդեն թույլ են տալիս այն հոգևորականների ձեռնադրումը, ովքեր ապաշխարել են իրենց համասեռական լինելու համար: Եկեղեցու պահպանողական թևի ներկայացուցիչները տվել են դրա պատասխանը` ասելով, որ կընդդիմանան այդ որոշման դեմ: Նրանք գտնում են, որ ավելի լավ է օտար երկրներից կանչել եպիսկոպոսների, քան ձեռնադրել համասեռականներին:
Համասեռականներից որպես հոգևորականներ ձեռնադրվելու շուրջ Անգլիայի եկեղեցու տարբեր թևերում սկսվել են տարաձայնություններ՝ կապված համասեռամոլ հոգևորական Ջեֆրի Ջոնի հետ, ով 2003-ին մտադրվել էր ձեռնադրվել եպիսկոպոս, սակայն ստիպված էր հրաժարվել իր մտադրություններից, իր շուրջ ծագած մեծ աղմուկի պատճառով:
Այժմ նա հանդիսանում է Սուրբ Օլբանս եկեղեցու վանահայրը: 2010 թ. նա փորձել էր եպիսկոպոսի համար առաջադրել իր թեկնածությունը, սակայն նրան մերժել էին: Ավելի ուշ պարզ էր դարձել, որ մերժման պատճառը նրա սեռական կողմնորոշումն է:
