Wikipedia ազատ հանրագիտարանի հայկական ռեսուրսները համալրվել են էկոլոգիայի բնագավառին վերաբերող 140 հոդվածով:
Դա իրականացվել է Հայաստանի երիտասարդական հիմնադրամի և Հայաստանի պետական տնտեսագիտական համալսարանի Բնօգտագործման տնտեսագիտության ամբիոնի համագործակցության արդյունքում:
Ծրագրին մասնակցել են բուհի 3-րդ կուրսի 20-ից ավելի ուսանողներ:
Նշենք, որ Wikipedia ազատ հանրագիտարանում հայկական հոդվածների թիվը մինչ այդ 13 հազար 700 էր, որն այս ծրագրի արդյունքում ավելացել է ևս մեկ տոկոսով:
Հայաստանի երիտասարդական հիմնադրամի և ՀՊՏՀ Բնօգտագործման տնտեսագիտության ամբիոնի համագործակցության արդյունքում իրականացվող ծրագիրը պիլոտային է, սակայն արդեն իսկ Wikipedia-ի կողմից արժանացել է բրոնզե մեդալի:
Ծրագիրը կլինի շարունակական, որի շրջանակներում Wikipedia ազատ հանրագիտարանի հայկական ռեսուրսները կհամալրվեն նաև այլ ուսանողական աշխատանքային խմբերի կողմից: