«Թեկնածուները կորոշվեն միաբանական ժողովի առաջին նիստին: Հունվարի 23-ին, 24-ին, 25-ին նշանակված է պատրիարքական ընտրության թվական», -«Առաջին լրատվական»-ի հետ զրույցում նշեց Երուսաղեմի հայոց պատրիարքի տեղապահ Արիս արքեպիսկոպոս Շիրվանյանը:
Նա նաև նշեց, որ ընտրությունները երկու փուլով են ընթանալու: Առաջին փուլում յուրաքնաչյուր միաբան քվեաթղթի վրա գրելու է հինգ անուն, և բարձրագույն քվե ստացողը կհամարվի թեկնածու: Իսկ երկրորդ՝ վերջնական քվերակությամբ հինգից մեկը կընտրվի պատրիարք:
Յուրաքանչյուր 35 տարեկանը լրացած վարդապետ և եպիսկոպոս կարող է մասնակցել ընտրություններին:
Հարցին, թե արդյոք չորս թեկնածուներից՝ Նուրհան, Արիս, Վիգեն սրբազաններ և Բաբկեն ծայրագույն վարդապետ, նոր թեկնածուներ ավելացե՞լ են, սրբազանը պատասխանեց, որ պաշտոնապես պատրիարքի ընտրություններում որպես թեկնածու հայտարարված անձերի թիվը երկուսն է՝ ինքը և Բաբկեն վարդապետը, ով վերջերս Հայաստանում հայտարարեց իր թեկնածության առաջադրման մասին, մինչդեռ մյուս թեկնածուներն ընտրություններին մասնացելու իրենց ցանկության վերաբերյալ ոչինչ չեն հայտարարել:
